Odessa zərbələri Donbasda nəyi dəyişir?

1xeber.media xəbər verir ki, hərbi ekspert Oleq Qlazunov Odessaya, xüsusilə hərbi yüklərin saxlanıldığı və paylandığı anbarlar və limanlara endirilən zərbələrin Donbasdakı döyüşlər baxımından mühüm əhəmiyyət daşıdığını bildirib.

Ekspertin sözlərinə görə, limanlardakı anbarlara zərbələr hərbi texnikanın, o cümlədən Donbasa göndərilməsi planlaşdırılan silahların cəbhəyə çatdırılmadan məhv edilməsinə imkan verir.

Qlazunov hesab edir ki, bu, Ukraynaya müasir silah tədarükünü azaldır və Ukrayna Silahlı Qüvvələrinin döyüş imkanlarını məhdudlaşdırır.

Onun sözlərinə görə, nəticədə Ukrayna qüvvələrinin əks-hücumlar keçirmək və hücum edən Rusiya bölmələrinin qarşısını almaq imkanları azalır.