Вернуться назад Распечатать

Zaxarovadan Ermənistanın ruslarla bağlı açıqlamasına sərt reaksiya

1xeber.media xəbər verir ki, Rusiya Xarici İşlər Nazirliyinin rəsmi nümayəndəsi Mariya Zaxarova Ermənistan Təhlükəsizlik Şurasının katibi Alen Simonyanın səfərbərlik elan ediləcəyi təqdirdə Rusiyadan yeni miqrant dalğasını qəbul etməyə hazır olduqları barədə açıqlamasını tənqid edib.

Zaxarova Simonyanın sözlərini “təxribatçı” adlandıraraq, bunun Rusiya vətəndaşlarını qanunsuz addımlara təşviq etdiyini bildirib. Diplomat qeyd edib ki, bu cür açıqlamalar ənənəvi erməni qonaqpərvərliyinə “zəhərli siyasi çalar” verir.

Onun sözlərinə görə, Simonyan Rusiyada mümkün səfərbərliklə bağlı rəsmi şəxslər tərəfindən təkzib edilən spekulyasiyalara cəlb olunub. Zaxarova həmçinin Ermənistan rəhbərliyinin açıqlamalarında Qərbə və Kiyevə xoş gəlmək cəhdi gördüklərini vurğulayıb.

Qeyd edək ki, Rusiya Prezidenti Vladimir Putinlə Ermənistanın Baş naziri Nikol Paşinyan arasında görüşün sentyabrın 1-də Qırğızıstanda Şanxay Əməkdaşlıq Təşkilatının sammiti çərçivəsində keçirilməsi planlaşdırılır.