Rusiyada miqrantlara taksi sürmək qadağan edilib

1xeber.media xəbər verir ki, Rusiyanın sərhəd bölgəsində miqrantlara taksi və digər sərnişin daşımalarında işləmək qadağan edilib - söhbət Belqorod vilayətindən gedir. Qubernator Vyaçeslav Qladkovun müvafiq fərmanı regional hökumətin saytında yerləşdirilib.

Bundan əlavə, əcnəbilər mağazalarda, o cümlədən spirtli içkilər və pivə satışı ilə məşğul olan ixtisaslaşdırılmış mağazalarda iş tapa bilməyəcəklər.

Xarici mütəxəssislərin Rusiya regionunda işləməsinə qoyulan qadağa 2025-ci il yanvarın 1-dən qüvvəyə minəcək. İşçilərin sayının qərara uyğunlaşdırılması üçün işəgötürənlərə üç ay vaxt verilib.

Əvvəllər Saratov vilayətində miqrantların bir sıra ərazilərdə işləməsi qadağan edilib. Xüsusilə, onlar hərbi təhlükəsizliyin və məcburi sosial təminatın təmin edilməsinə cavabdeh olan dövlət qurumlarına işə götürülməyəcəklər.