Tarixi sazişə yeni ölkələr qoşulacaq?

Pakistan, Səudiyyə Ərəbistanı və Türkiyə hələ hərbi əməkdaşlığa dair Məkkə sazişinə yeni ölkələri dəvət etməyi planlaşdırmır.

1xeber.media “Dawn” qəzetinə istinadən xəbər verir ki, bu barədə məlumatı Pakistan Xarici İşlər Nazirliyi bildirib.

“Hazırda Məkkə sazişinin genişləndirilməsi ilə bağlı heç bir müzakirə aparılmır”, – deyə məlumatda qeyd olunub.

Həmçinin vurğulanıb ki, üç ölkə ilk növbədə öz aralarındakı əməkdaşlığı daha da gücləndirməlidir, məhz bundan sonra isə təşkilat oxşar mövqeləri və baxışları bölüşən bütün dövlətlərin iştirakı üçün açıq olacaq.

Xatırladaq ki, avqustun 7-də Səudiyyə Ərəbistanının vəliəhdi Məhəmməd bin Salman, Türkiyə Prezidenti Rəcəb Tayyib Ərdoğan və Pakistanın Baş naziri Şahbaz Şərif Məkkə sazişini imzalayıblar. Sazişə əsasən, iştirakçı ölkələrdən birinə hücum bütün sənəd iştirakçılarına qarşı təcavüz kimi qiymətləndiriləcək.