Əkiz qüllələrə hücumdan 25 il keçir

1xeber.media xəbər verir ki, 2001-ci il sentyabrın 11-də ABŞ tarixinin ən ağır terror hücumlarından biri baş verib. Həmin gün Nyu-Yorkdakı Dünya Ticarət Mərkəzinin əkiz qüllələri terrorçular tərəfindən qaçırılan sərnişin təyyarələrinin zərbəsinə məruz qalıb.

Terrorçular tərəfindən ələ keçirilən dörd sərnişin təyyarəsindən ikisi Nyu-Yorkda yerləşən Dünya Ticarət Mərkəzinin qüllələrinə çırpılıb. Təyyarələrin zərbəsindən sonra hər iki göydələn dağılıb.

Digər bir təyyarə Vaşinqton yaxınlığındakı Pentaqon binasına çırpılıb. Dördüncü təyyarə isə sərnişinlərin təyyarəni ələ keçirənlərə qarşı müqavimət göstərməsindən sonra Pensilvaniya ştatında yerə düşüb.

Hücumlar nəticəsində təxminən 3 min insan həyatını itirib, minlərlə insan isə yaralanıb. Hadisə ABŞ-ın təhlükəsizlik və xarici siyasətində köklü dəyişikliklərə səbəb olub.

11 sentyabr hücumlarının təşkilinə “Əl-Qaidə” terror şəbəkəsi rəhbərlik edib. Bundan sonra ABŞ beynəlxalq terrorizmə qarşı genişmiqyaslı hərbi əməliyyatlara başlayıb və Əfqanıstanda “Taliban”a qarşı müharibəyə müdaxiləsini genişləndirib.

Bu gün, sentyabrın 11-də ABŞ-da və dünyanın müxtəlif ölkələrində 2001-ci il terror hücumlarının qurbanları yad edilir.