Ərdoğan Ukrayna üçün Türkiyənin planını açıqladı

1xeber.media xəbər verir ki, Türkiyə Prezidenti Rəcəb Tayyib Ərdoğan Ukraynadakı münaqişənin həlli üçün Ankara tərəfindən səylərin davam etdirildiyini bildirib.

Ərdoğanın administrasiyasından verilən açıqlamada Türkiyənin əsas diqqətinin münaqişənin dayandırılması və xüsusilə Qara dənizdə gəmiçiliyin təhlükəsizliyinin təmin edilməsinə yönəldiyi qeyd olunub.

Türkiyə lideri daha əvvəl Ukraynanın suverenliyi və ərazi bütövlüyünün qorunması şərtilə münaqişənin başa çatacağına ümid etdiyini bildirib.

Ərdoğan Qara dənizdə ticarət gəmilərinə hücumların kim tərəfindən həyata keçirilməsindən asılı olmayaraq qəbuledilməz olduğunu da vurğulayıb.