Hindistanın nəhəng birjası tarixində ilk dəfə səhm satdı

1xeber.media xəbər verir ki, Hindistanın Milli Fond Birjasının (NSE) səhmləri uzunmüddətli hazırlıqdan sonra ilk dəfə açıq bazarda ticarətə çıxarılıb.

Səhmlər sentyabrın 24-də Bombay Fond Birjasında 1 800 rupi qiymətlə listinq olunub. Bu, ilkin təklif qiymətindən 0,84 faiz yüksək olub. Ticarətin ilk saatlarında səhmlərin qiyməti 5 faizə qədər yüksəlib.

NSE-nin bazar dəyəri ticarətin gedişində təxminən 47,5 milyard dollara çatıb. Bununla da birja dünyanın bazar dəyərinə görə ən iri 10 listinq olunmuş birjası sırasına daxil olub.

NSE-nin ilkin səhm təklifi 2,3 milyard dollar təşkil edib və Hindistan tarixində Hyundai Motor India-nın 2024-cü ildəki IPO-sundan sonra ikinci ən böyük ilkin səhm təklifi olub.

Birjanın səhmlərinin bazara çıxması NSE-nin təxminən onillik davam edən listinq prosesinin başa çatması ilə nəticələnib.