Stubb Maskdan Ukraynaya Starlink tələbi etdi

1xeber.media xəbər verir ki, Finlandiya Prezidenti Aleksandr Stubb SpaceX-in sahibi İlon Maskdan Ukraynanın Starlink peyk rabitə sistemindən daha geniş istifadə etməsinə imkan verməsini istəyib.

Stubb Reuters-ə açıqlamasında bildirib ki, Ukraynaya Rusiya ərazisində yerləşən ballistik raket buraxılış qurğularına qarşı əməliyyatlar üçün Starlink-ə çıxışın genişləndirilməsi lazım ola bilər.

Finlandiya liderinin sözlərinə görə, xüsusilə qış yaxınlaşdıqca Ukraynanın hava hücumundan müdafiə imkanlarına ehtiyacı artır. O, Starlink imkanlarının genişləndirilməsinin ballistik raket təhlükəsinə qarşı mübarizədə kömək edə biləcəyini bildirib.

Hazırda Starlink Ukraynanın hərbi rabitəsində və pilotsuz uçuş aparatlarının idarə olunmasında istifadə olunur, lakin xidmət Rusiya ərazisində işləmir.

Stubb həmçinin Ukraynanın qarşıdakı dövr üçün üç əsas ehtiyacını hava hücumundan müdafiə, qış üçün enerji infrastrukturu və maliyyə dəstəyi kimi göstərib.