ABŞ və İran arasında yeni danışıqlar gündəmdə

1xeber.media xəbər verir ki, ABŞ və İran nümayəndələri Nyu-Yorkda İran müharibəsinin dayandırılması üçün mərhələli razılaşma imkanlarını müzakirə edirlər.

Reuters-in məlumatına görə, mümkün plan çərçivəsində İranın Hörmüz boğazını yenidən açması, bunun qarşılığında isə Vaşinqtonun İrana qarşı iqtisadi blokadanı yumşaltması nəzərdən keçirilir.

Danışıqlar BMT Baş Assambleyasının keçirildiyi Nyu-Yorkda aparılır. İran Prezidenti Məsud Pezeşkian isə müharibənin nə vaxt başa çatacağı ilə bağlı qərarın ABŞ-dan asılı olduğunu bildirib.

Böhran enerji bazarlarına da təsir göstərir. Reuters-in yazdığına görə, Yaxın Şərqdəki vəziyyət səbəbindən qlobal neft və qaz tədarükünün təxminən beşdə biri məhdudlaşıb.