Kreml İranın DNHM-dən çıxmasına qarşıdır

1xeber.media xəbər verir ki, Rusiya İranın Nüvə Silahlarının Yayılmaması Müqaviləsindən (DNHM) çıxmasını istəmir.

Kremlin sözçüsü Dmitri Peskov bildirib ki, Moskva İranın müqavilədə qalacağına ümid edir. Onun sözlərinə görə, DNHM nüvə silahlarının yayılmaması rejiminin əsas dayaqlarından biridir.

Peskov qeyd edib ki, İran parlamentində müqavilədən çıxmaqla bağlı qanun layihəsinin hazırlanması barədə məlumatlar Kremlə məlumdur və bu məsələ əlavə izah tələb edir.

Kreml nümayəndəsi həmçinin bildirib ki, İranın müxtəlif səviyyələrdəki tərəfdaşları Moskvaya nüvə silahı yaratmaq planlarının olmadığını bildiriblər. Tehran isə nüvə enerjisinin dinc məqsədlərlə inkişaf etdirilməsinə sadiq olduğunu vurğulayır.