Keçmiş Dağıstan rəhbəri senator təyin edildi

1xeber.media xəbər verir ki, Dağıstanın keçmiş rəhbəri Sergey Melikov Bryansk vilayətini Rusiyanın Federasiya Şurasında təmsil edən senator təyin edilib.

Müvafiq sərəncamı Bryansk vilayətinin qubernatoru Yeqor Kovalçuk sentyabrın 28-də imzalayıb. Sənədə əsasən, Melikovun senator səlahiyyətləri sentyabrın 29-dan qüvvəyə minib.

Bununla yanaşı, Bryansk vilayətinin Federasiya Şurasındakı əvvəlki nümayəndəsi Vadim Denqinin senator səlahiyyətlərinə xitam verilib.

Sergey Melikov 2020-ci ildən 2026-cı ilin mayına qədər Dağıstana rəhbərlik edib. Bundan əvvəl o, Federasiya Şurasında Stavropol diyarını təmsil edib, həmçinin Rusiya Milli Qvardiyasının rəhbərliyində çalışıb.