Braziliyada seçkiyə saatlar qalıb

1xeber.media xəbər verir ki, Braziliyada prezident seçkiləri öncəsi əsas siyasi qüvvələr kampaniyanın son mərhələsini keçirir.

Hazırkı prezident Luiz İnasio Lula da Silva növbəti prezidentlik müddəti uğrunda mübarizə aparır. Onun əsas rəqibi isə senator Flavio Bolsonaro – keçmiş prezident Jair Bolsonaronun oğludur.

Seçkilərdə 13 namizəd iştirak edir. İlk turda namizədlərdən heç biri səslərin 50 faizindən çoxunu əldə etməsə, oktyabrın 25-də ikinci tur keçiriləcək.

Seçki kampaniyasında iqtisadi vəziyyət, yaşayış xərcləri, cinayətkarlıq, sosial proqramlar və ölkənin xarici siyasəti əsas müzakirə mövzuları olub. Namizədlərin tərəfdarları son günlərdə müxtəlif bölgələrdə mitinqlər keçirərək seçiciləri səfərbər etməyə çalışırlar.