ABŞ Avropaya daha çox qaz göndərir

1xeber.media xəbər verir ki, ABŞ-ın mayeləşdirilmiş təbii qaz ixracı sentyabr ayında artıb.

LSEG məlumatlarına əsasən, Avropada qaz tələbinin yüksəlməsi ABŞ istehsalçılarını ixrac həcmlərini artırmağa sövq edib. Avropalı alıcıların Asiya bazarındakı alıcılardan daha yüksək qiymət təklif etməsi də tədarük istiqamətinə təsir göstərib.

ABŞ son illərdə Avropanın əsas LNG təchizatçılarından birinə çevrilib. Rusiya qazının Avropa bazarındakı payının azalması fonunda ABŞ-dan LNG idxalının əhəmiyyəti daha da artıb.

Enerji bazarındakı qiymət fərqləri və qış mövsümünə hazırlıq yaxın aylarda ABŞ LNG ixracının həcminə təsir edən əsas amillərdən biri olacaq.