Çində yeni hərbi baza ilə bağlı görüntülər yayıldı

1xeber.media xəbər verir ki, Reuters-in peyk görüntülərinin təhlilinə əsasən, Çin və Laosun yeni birgə təlim bazasına yüngül hücum təyyarələri və hərbi texnika yerləşdirilib.

Məlumata görə, baza Laosun şimalında yerləşir və burada Çin hərbi aviasiyasına aid təyyarələrin, eləcə də müxtəlif hərbi texnikanın olduğu peyk görüntülərində müəyyən edilib.

Reuters bu obyektin iki ölkə arasında birgə hərbi təlimlər üçün nəzərdə tutulduğunu bildirir. Bazada hərbi infrastrukturun genişləndirilməsi Pekinin Cənub-Şərqi Asiyada müdafiə əməkdaşlığını artırması fonunda diqqət çəkir.

Peyk görüntülərinin təhlili hərbi obyektin son dövrdə inkişaf etdirildiyini və yeni texnikanın əraziyə gətirildiyini göstərir. Çin və Laosun bu bazadan hansı miqyasda istifadə edəcəyi ilə bağlı isə əlavə detallar açıqlanmayıb.