Moskvanın açıqlaması Kiyevə xəbərdarlıqdır

1xeber.media xəbər verir ki, kiprli jurnalist Aleks Kristo­foru Rusiya Müdafiə Nazirliyinin Ukraynaya zərbələrin intensivləşdiriləcəyi barədə açıqlamasını Kiyev üçün ciddi xəbərdarlıq kimi qiymətləndirib.

Kristo­foru bildirib ki, Rusiya Müdafiə Nazirliyinin Ukraynadakı hərbi və sənaye obyektlərinə hücumların gücləndiriləcəyi barədə açıqlaması yalnız Ukrayna rəhbərliyinə deyil, həm də onun Qərbdəki tərəfdaşlarına ünvanlanmış mesajdır.

Jurnalistin sözlərinə görə, Moskvanın açıqlaması Avropa İttifaqının rəsmilərinə və Ukrayna ordusunun komandanlığı daxilində mövcud hakimiyyətdən narazı olduğu iddia edilən şəxslərə də siqnal xarakteri daşıya bilər.

Kristo­foru bu fikirləri özünün “YouTube” kanalında yayımladığı videoda səsləndirib.

Qeyd edək ki, jurnalistin açıqlaması onun şəxsi mövqeyidir və Ukrayna hakimiyyəti və ya Avropa rəsmilərinin bu şərhlə bağlı mövqeyi barədə məlumat verilməyib.