Merzin sözləri Almaniyaya zərər verə bilər

1xeber.media xəbər verir ki, ABŞ ordusunun istefada olan polkovnik-leytenantı Daniel Devis Almaniya kansleri Fridrix Merzin Rusiya ilə bağlı açıqlamalarını tənqid edib.

Devis sosial şəbəkədə yazıb ki, Merzin Rusiyaya qarşı ritorikası təxribat xarakteri daşıyır və Almaniyanın maraqlarına zərər verə bilər.

Onun sözlərinə görə, bu cür bəyanatlar Rusiyanı qorxutmaq və ya Almaniya kanslerinin tələblərinə tabe olmağa məcbur etmək baxımından nəticə vermir.

Devis Almaniya hakimiyyətini ritorikasını dəyişməyə çağırıb. O iddia edib ki, Almaniyanın ciddi böhranla üzləşməsi digər Qərb ölkələrinə də mənfi təsir göstərə bilər.

Qeyd edək ki, oktyabrın 4-də Merz Kiyevə səfəri zamanı Rusiya Prezidenti Vladimir Putinə müraciət edərək Ukrayna ilə bağlı sülh danışıqlarına hazır olduğunu, lakin bunun müəyyən şərtlər çərçivəsində mümkün ola biləcəyini bildirib.