Fransada hökumət tələbələrin etirazları fonunda geri addım atdı

1xeber.media xəbər verir ki, Fransada məktəb şagirdlərinin genişmiqyaslı etirazları fonunda hökumət polis tərəfindən xüsusi qumbara tipli vasitələrdən istifadənin dayandırılmasına qərar verib.

Reuters-in məlumatına görə, qərar 15 yaşlı şagirdin polis qarşıdurması zamanı əlindən ağır xəsarət almasının ardından qəbul edilib. Hadisə ilə bağlı 18 polis davranışı araşdırılır.

Ölkədə iki həftədən çoxdur davam edən aksiyalarda şagirdlər məktəblərdə müəllim çatışmazlığı, siniflərin həddindən artıq yüklənməsi və təhsil müəssisələrinin vəziyyətinin yaxşılaşdırılmasını tələb edirlər.

Fransa hökuməti etirazçıların tələblərini müzakirə etməyə hazır olduğunu bildirsə də, aksiyalar zamanı bəzi məktəblərə zərər vurulması və qarşıdurmalar hökumətlə nümayişçilər arasında gərginliyi artırıb.