Paşinyan Japarovla Azərbaycanla sülhü müzakirə etdi

Ermənistanın Baş naziri Nikol Paşinyan Qırğızıstan Prezidenti Sadir Japarovla görüşüb.

1xeber.media xəbər verir ki, Paşinyan qırğız liderlə siyasi dialoqun gücləndirilməsi, ticarət-iqtisadi əlaqələrin və nəqliyyat əlaqələrinin inkişaf etdirilməsi, eləcə də regional sülh və təhlükəsizlik məsələlərini müzakirə edib.

Bu kontekstdə Paşinyan Ermənistan və Azərbaycan tərəfindən 8 avqust 2025-ci ildə imzalanmış Vaşinqton Bəyannaməsinin, eləcə də Qırğızıstan, Tacikistan və Özbəkistan arasında dövlət sərhədi sazişlərinin əhəmiyyətini qeyd edib. "Biz əminik ki, regional sülhün möhkəmləndirilməsi iqtisadi əməkdaşlıq və nəqliyyat əlaqələrinin inkişafı üçün yeni imkanlar yaradır", - deyə Paşinyan vurğulayıb.