Aviabiletlər 20% bahalaşıb

1xeber.media xəbər verir ki, aviabiletlərin orta qiyməti artıq 20% artıb və aviaşirkətlər bahalaşmanın davam edəcəyini gözləyirlər.

Səbəb aviasiya yanacağının qiymətinin yüksəlməsidir. ABŞ-ın Delta Air Lines şirkəti oktyabr ayında biletlərin 20% bahalaşdığını açıqlayıb.

Aviaşirkətlər yanacaq xərclərinin artması səbəbindən gələcəkdə tarifləri yenidən yüksəltməyə hazırlaşırlar. Buna baxmayaraq, hava nəqliyyatına tələbat yüksək olaraq qalır. 2026-cı ilin ilk yarısında dünyada 2,3 milyard sərnişin uçuşu bron edilib ki, bu da ötən ilin eyni dövründən 1% çoxdur.