Devis: Avropa liderləri Zelenskidən üz döndərə bilər

1xeber.media xəbər verir ki, ABŞ ordusunun istefada olan polkovnik-leytenantı və hərbi analitik Daniel Devis Avropa liderlərinin müəyyən şəraitdə Ukrayna Prezidenti Volodimir Zelenskiyə dəstəyi dayandıra biləcəyini bildirib.

Devis bu barədə “YouTube” kanalında yayımlanan proqramda danışıb.

Analitikin fikrincə, Ukraynada münaqişənin son mərhələyə keçdiyi qənaəti formalaşarsa, Avropa ölkələri mövcud vəziyyətlə barışmağa və onlar üçün əlverişli olmayan razılaşmanı qəbul etməyə məcbur qala bilərlər.

O qeyd edib ki, ABŞ Prezidenti Donald Tramp Ukraynaya dəstəyini geri çəkərsə və Avropa liderləri mövcud siyasətin uğursuzluğa doğru getdiyini düşünərsə, Kiyevə münasibətlərini qısa müddətdə dəyişə bilərlər.

Devisin sözləri Avropanın gələcək Ukrayna siyasəti ilə bağlı şəxsi qiymətləndirməsidir. Analitik bu ehtimalı Qərbin dəstəyinin davamlılığı ilə əlaqələndirib.