Hindistanda 3,2 milyard dollarlıq nəhəng IPO başladı

1xeber.media xəbər verir ki, Hindistanın “Reliance” konqlomeratına daxil olan “Jio Platforms” şirkəti 3,2 milyard dollar həcmində ilkin kütləvi səhm təklifinə (IPO) başlayıb.

Bu, Hindistan tarixində ən böyük IPO-lardan biri deyil, ölkənin indiyədək ən böyük ilkin səhm təklifi kimi qiymətləndirilir. Şirkətin bazar dəyərinin təxminən 108,3 milyard dollara çatacağı gözlənilir.

“Jio Platforms” Hindistanın ən böyük telekommunikasiya şəbəkəsini idarə edir və 500 milyondan çox abunəçiyə xidmət göstərir. Şirkətin investorları arasında “Meta” və “Google” kimi iri texnologiya şirkətləri də var.

Səhm təklifi qlobal investorların Hindistanın texnologiya və telekommunikasiya sektoruna marağının mühüm sınağı hesab olunur. Səhmlərin birjada ticarətinə oktyabrın 28-də başlanması nəzərdə tutulur.