Sosial Xidmətlər Agentliyinə yeni səlahiyyət verilib

Azərbaycanın hüquq sahəsində dövlət monitorinqini həyata keçirən qurumlar siyahısında dəyişiklik edilib.

1xeber.media xəbər verir ki, bununla bağlı Baş nazir Əli Əsədov qərar imzalayıb.

Qərara əsasən, "Əlilliyi olan şəxslərin hüquqları sahəsində dövlət monitorinqinin həyata keçirilməsi Qaydası"nda tənzimləmə aparılıb.

Dəyişikliklə Əmək və Əhalinin Sosial Müdafiəsi Nazirliyinin dövlət monitorinqini həyata keçirdiyi qurumlar sırasından Dövlət Tibbi-Sosial Ekspertiza və Reabilitasiya Agentliyi çıxarılaraq, bu səlahiyyət Sosial Xidmətlər Agentliyinə həvalə olunub.