Övlad böyütməyin 18 illik xərci: Ailə büdcəsindən nə qədər vəsait gedir?

Uşağın qidalanması, geyimi, təhsili və sağlamlığı üçün çəkilən xərclər ailə büdcəsinin mühüm hissəsini təşkil edir. Bəs bir övladı 18 yaşına çatdırmaq üçün nə qədər vəsait tələb olunur?

1xeber.media xatırladır ki,aparılan araşdırmalarda  körpənin ilk ilində aylıq xərclərin təxminən 400–450 manat ola biləcəyi göstərilir. Məbləğ ailənin seçimlərindən və uşağın ehtiyaclarından asılı olaraq dəyişir.

Aylıq 450 manat fərziyyəsi ilə 18 illik xərc 97 200 manat edir:

450 manat × 12 ay × 18 il = 97 200 manat.

Lakin bu, Azərbaycanda uşaq böyütməyin rəsmi orta qiyməti deyil, sadələşdirilmiş nümunə hesablamadır. Körpəlik dövrünün xərclərini bütün yaş mərhələlərinə eyni qaydada tətbiq etmək dəqiq nəticə vermir.

Uşaq böyüdükcə xərc istiqamətləri dəyişir: bağça, məktəb ləvazimatları, nəqliyyat, dərnəklər və hazırlıq kursları büdcədə əlavə yer tutur. Dövlət və ya özəl xidmətlərin seçilməsi də ümumi məbləğə təsir edir.

Hesablamada gələcək qiymət artımları nəzərə alınmayıb. Buna görə hər ailənin faktiki xərci fərqli olacaq.

Aidə Tofiqqızı