“Həzi Aslanov”da təmir bitdi

1xeber.media xəbər verir ki, Bakı Metropoliteninin “Həzi Aslanov” stansiyasında dalanın yenidən qurulması işləri başa çatıb.

Məlumata görə, işlər təxminən 280 metrlik sahədə üç mərhələdə həyata keçirilib. Ümumi uzunluğu 1 000 metrə yaxın olan dalan yolları müasir dəmir-beton özüllər üzərində qurulub.

Layihə çərçivəsində yoldəyişdirici qurğular dəmir-beton monolit bloklardan hazırlanıb. Dörd yoldan ibarət dalanda ümumilikdə altı yoldəyişdirici quraşdırılıb.

Qeyd edək ki, dalanın yenidən qurulması və stansiyanın dayanıqlılığının artırılması 2025–2030-cu illər üzrə Dövlət Proqramının icrası çərçivəsində həyata keçirilir.