Rusiya ABŞ-la investisiya fonduna qarşı sanksiyaları müzakirə edir

1xeber.media xəbər verir ki, Rusiya ilə ABŞ arasında Moskvanın əsas investisiya fonduna tətbiq edilən sanksiyaların ləğvi məsələsi müzakirə olunur. Bu barədə Rusiya prezidentinin köməkçisi Yuri Uşakov məlumat verib.

Uşakovun sözlərinə görə, Rusiya Birbaşa İnvestisiya Fondunun rəhbəri Kirill Dmitriyev məsələ ilə bağlı ABŞ administrasiyası ilə fəal təmaslar aparır. O, danışıqların bir müddətdir davam etdiyini, lakin yekun nəticənin hələ məlum olmadığını bildirib.

Məlumatda qeyd olunur ki, Donald Tramp administrasiyasının sanksiyaların bir hissəsini aradan qaldırmağı nəzərdən keçirdiyi barədə daha əvvəl də xəbərlər yayılıb.