Tayvan Çini dəniz sərhədlərini pozmaqda ittiham etdi

Tayvan Sahil Mühafizəsi Çin gəmisini mübahisəli Pratas adaları yaxınlığındakı məhdudlaşdırılmış sulara daxil olmaqda ittiham edib.

1xeber.media xəbər verir ki, hadisə şənbə günü baş verib. Tayvan tərəfi Çin gəmisinin ərazini tərk etməsi üçün xəbərdarlıq edildiyini və iki gəminin bir-birinə təxminən 1,9 kilometr məsafəyədək yaxınlaşdığını bildirib.

Tayvan hakimiyyəti bu ilin əvvəlindən adalar yaxınlığında 13-cü belə müdaxilənin qeydə alındığını açıqlayıb. Pekin isə həmin sularda patrul fəaliyyətinin öz yurisdiksiyasına aid olduğunu bildirir.