Lavrov: Avropa Rusiya ilə müharibəyə başlasa, cavab qısa olacaq

1xeber.media xəbər verir ki, Rusiyanın xarici işlər naziri Sergey Lavrov Avropanın Rusiyaya qarşı hərbi münaqişəyə başlamasının Moskvanın qısa müddətli cavabı ilə nəticələnəcəyini bildirib.

Diplomat qeyd edib ki, Rusiya Prezidenti Vladimir Putin dəfələrlə Moskvanın Avropa ilə müharibə istəmədiyini və belə bir münaqişə planlaşdırmadığını bəyan edib. Bununla belə, Lavrov Avropanın müharibəyə başlayacağı təqdirdə Rusiyanın buna hazır olduğunu vurğulayıb.

Onun sözlərinə görə, belə bir münaqişə baş verərsə, əvvəlkilərdən fərqli olacaq və çox qısa çəkəcək.

Lavrov həmçinin bildirib ki, hazırda Rusiya Avropa ilə real dialoqun bərpası üçün perspektiv görmür. O, Qərbin çoxqütblü dünya nizamına keçidlə bağlı tarixi tendensiyaya qarşı çıxdığını iddia edib.

Xatırladaq ki, Vladimir Putin daha əvvəl Rusiyanın Avropanı təhdid etmədiyini və müharibəyə başlamaq niyyətində olmadığını bildirmişdi. Bununla yanaşı, o, mümkün münaqişə baş verərsə, heç bir tərəfin qalib çıxmayacağını vurğulamışdı.