Paşinyan Ermənistanın Aİİ-dən çıxacağını açıqladı

1xeber.media xəbər verir ki, Ermənistan Avropa İttifaqına inteqrasiya yolunda Avrasiya İqtisadi İttifaqından (Aİİ) çıxmaq məcburiyyətində qalacaq.

Bunu ölkənin Baş naziri Nikol Paşinyan bildirib. Onun sözlərinə görə, hazırda Ermənistanın Aİİ-dən çıxmaqdan başqa seçimi yoxdur.

Paşinyan qeyd edib ki, İrəvan 2027–2028-ci illərdə Avropa İttifaqına üzvlük prosesinin başlanması üçün rəsmi müraciət etməyə yaxınlaşır.

Qeyd edək ki, Rusiya Prezidenti Vladimir Putin daha əvvəl Ermənistanın Aİİ-dən çıxacağı təqdirdə azad ticarət sazişlərindən irəli gələn imkanları itirə biləcəyini bildirmişdi. O, həmçinin Ukraynada böhranın başlanğıcının Ermənistanın hazırkı vəziyyətinə bənzər proseslərlə əlaqəli olduğunu vurğulamışdı.