Ermənistanda növbədənkənar parlament seçkiləri keçirilə bilər

1xeber.media xəbər verir ki, Ermənistanın xarici işlər naziri Ararat Mirzoyan Konstitusiya layihəsinin parlamentdə qəbul edilməyəcəyi təqdirdə ölkədə növbədənkənar parlament seçkilərinin keçirilə biləcəyini açıqlayıb.

Nazir bu barədə keçirdiyi brifinqdə danışıb.

Mirzoyanın sözlərinə görə, hökumət yeni Konstitusiya layihəsini Milli Assambleyaya təqdim edəcək və səsverməyə çıxaracaq. Layihə qəbul olunmasa, növbəti addım növbədənkənar parlament seçkilərinin keçirilməsi olacaq.

O bildirib ki, hökumətin Konstitusiya layihəsini təqdim etməsindən sonra onun qəbul edilməməsi və bunun ardınca növbədənkənar seçkilərin keçirilməməsi ssenarisini təsəvvür etmək çətindir.

Beləliklə, Ermənistanda yeni Konstitusiyanın taleyi ölkənin növbəti parlament seçkilərinin keçirilməsinə də təsir göstərə bilər.