Kral III Çarlz hökumətin “gizli silahı” adlandırıldı

1xeber.media xəbər verir ki, Böyük Britaniya hökuməti Kral III Çarlzı mürəkkəb siyasi və diplomatik məsələlərin həllində getdikcə daha çox ön plana çıxarır.

Bu barədə kral ailəsinin yüksək vəzifəli köməkçilərindən biri açıqlama verib. O, monarxı hökumətin “gizli silahı” adlandırıb.

Məlumata görə, Çarlzın Karib hövzəsinə son səfəri zamanı Britaniyanın transatlantik qul ticarətinə görə üzr istəməsi və təzminat ödəməsi məsələsi gündəmə gəlib.

Kral çıxışlarında rəsmi üzr istəməsə də, köləliyin dəhşətlərinə görə şəxsi kədərini ifadə edib. Bu açıqlama Birlik ölkələrinin bir sıra liderləri tərəfindən müsbət qarşılanıb.

Qeyd edək ki, III Çarlz 56 ölkəni birləşdirən Millətlər Birliyinin də rəhbəridir.