Türkiyə Səudiyyə Ərəbistanı ilə müdafiə sazişini təsdiqlədi

1xeber.media xəbər verir ki, Türkiyə parlamenti Səudiyyə Ərəbistanı və Pakistanla imzalanmış birgə müdafiə sazişini ratifikasiya edib.

Saziş tərəflərdən birinə hücum ediləcəyi təqdirdə digər ölkələrin dəstəyini nəzərdə tutan kollektiv müdafiə müddəasını ehtiva edir.

Məlumata görə, razılaşma ilk dəfə avqust ayında Məkkədə Türkiyə Prezidenti Rəcəb Tayyib Ərdoğan, Səudiyyə Ərəbistanının vəliəhdi Məhəmməd bin Salman və Pakistanın Baş naziri Şahbaz Şərif tərəfindən imzalanıb.

Sənədin parlamentdə təsdiqlənməsi Türkiyənin Səudiyyə Ərəbistanı və Pakistanla müdafiə əməkdaşlığının genişləndirilməsi istiqamətində mühüm addımdır. Razılaşma Yəməndə husilərin hücumları fonunda regionun təhlükəsizlik gündəmində xüsusi əhəmiyyət daşıyır.