Putin Uitkoff və Kuşnerlə Ukrayna münaqişəsinin həllini müzakirə edəcək

Rusiya Prezidenti Vladimir Putin ABŞ Prezidentinin xüsusi nümayəndəsi Stiv Uitkoff və iş adamı Cared Kuşnerlə görüşdə Ukrayna münaqişəsinin həlli yollarını müzakirə edəcək.

1xeber.media xəbər verir ki, bu barədə noyabrın 12-də Rusiya Prezidentinin köməkçisi Yuri Uşakov jurnalistlərə açıqlamasında bildirib.

Uşakovun sözlərinə görə, görüş zamanı Ukrayna ətrafında böhranın uzunmüddətli və davamlı həllinə gətirib çıxara biləcək müxtəlif məsələlər nəzərdən keçiriləcək.

“Bu gün Ukrayna ətrafındakı böhranın davamlı həllinə aparan müxtəlif məsələləri axtaracaq və müzakirə edəcəyik”, – deyə Uşakov qeyd edib.

O, həmçinin danışıqlarda Avropa nümayəndələrinin mümkün iştirakının ayrıca müzakirə olunacağını bildirib.

Rusiya Prezidentinin köməkçisi vurğulayıb ki, Avropa ölkələri hələlik Ukrayna münaqişəsinin nizamlanması üzrə danışıqlarda iştirak edəcək vahid nümayəndə namizədi barədə razılığa gələ bilməyiblər.