Вернуться назад Распечатать

Dublində Aİ liderləri arasında "Ukrayna elçisi" böhranı: Brüssel üç cəbhəyə bölünüb

İrlandiyanın paytaxtı Dublində bu gün keçirilən Avropa İttifaqı (Aİ) liderlərinin qeyri-rəsmi zirvə toplantısı gözlənilməz diplomatik fikir ayrılıqları ilə başlayıb. ABŞ Prezidenti Donald Trampın xüsusi nümayəndələri Stiv Uitkoff və Cared Kuşnerin Moskvada Vladimir Putinlə görüşdükdən dərhal sonra Dublinə uçaraq Ukrayna Prezidenti Volodimir Zelenskiyə məlumat verməsi Avropa paytaxtlarını hərəkətə keçirib. Avropa liderləri Rusiya-Ukrayna sülh danışıqlarından kənarda qalmamaq üçün vahid nümayəndə təyin etmək istəsələr də, masada üç fərqli cəbhə yaranıb.

1xeber.media xəbər verir ki,Politico nəşrinin məlumatına görə, İtaliya, Polşa və Lüksenburq bu vəzifəyə Avropa Şurasının Prezidenti Antoniu Koştanı ən uyğun namizəd sayır. Lakin Fransa və Almaniya böyük dövlətlər kimi danışıqlar masasındakı öz yerlərini Brüssel bürokratiyasına güzəştə getmək niyyətində deyil. Ən sərt mübahisə isə Aİ-nin xarici siyasət rəhbəri Kaya Kallasın ətrafında yaranıb. Bəzi Avropa diplomatları Kallasın Rusiyaya qarşı həddindən artıq sərt ritorikasını əsas gətirərək, onun Moskva ilə danışıqlara göndərilməsini "ağlasığmaz səhv" adlandırıblar. Kallas isə bu gün Dublində jurnalistlərə açıqlamasında Avropanın "Rusiyanın qurduğu tələlərə düşməməli olduğunu" bildirib. Hazırda liderlər konkret ad üzərində razılığa gələ bilməsələr də, prosesin formal formatını müəyyənləşdirməyə çalışırlar.