Bayram Səfərovun bacısı baş direktor vəzifəsindən çıxarıldı - Şöbə müdiri olacaq

 Bakının Yasamal rayonunda fəaliyyət göstərən Şuşa Rayon Mərkəzi Xəstəxanasının və eyni zamanda Şuşa şəhərində yerləşən Şuşa Müalicə-Sağlamlıq Mərkəzinin baş direktoru Kəmalə Səfərova vəzifəsindən azad olunub.

1xeber.media Qaynarinfo-ya istinadla xəbər verir ki, o, son yaş həddi ilə əlaqədar işdən azad edilib. Yerinə isə Mətanət Bünyadova təyin edilib.

Mətanət Bünyadova bundan əvvəl Şuşa Rayon Mərkəzi Xəstəxanasının baş həkimi vəzifəsində çalışıb. Kəmalə Səfərova isə bundan sonra sözügedən müəssisədə Səhiyyənin Təşkili şöbəsinin müdiri vəzifəsini tutacaq.

Qeyd edək ki, Kəmalə Səfərova Şuşa Rayon İcra Hakimiyyətinin başçısı Bayram Səfərovun bacısıdır.