Вернуться назад Распечатать

Ceyhun Bayramov Əli Kərimli ilə bağlı sualı cavabladı

“Kiminsə müxalifət nümayəndəsi olması onu hüquqi məsuliyyətdən azad etmir”.

1xeber.media xəbər verir ki, bunu xarici işlər naziri Ceyhun Bayramov almaniyalı həmkarı Yohan David Vadefulla birgə mətbuat konfransında alman jurnalistin Azərbaycan Xalq Cəbhəsi Partiyasının (AXCP) sədri Əli Kərimlinin həbsinə dair sualına cavab verərkən deyib. 

O qeyd edib ki, hazırda istintaq gedir, araşdırmalar aparılır: “Hər kəs qanun qarşısında cavab verməlidir və hazırda gedən araşdırma Azərbaycan qanunvericiliyinə uyğun həyata keçirilir”.

Qeyd edək ki, Ə.Kərimliyə Cinayət Məcəlləsinin 278.1-ci (hakimiyyəti zorla ələ keçirməyə yönələn hərəkətlər) maddəsi ilə yekun ittiham verilib. Onun işi ilə bağlı Dövlət Təhlükəsizliyi Xidməti (DTX) tərəfindən toplanmış materiallar baxılması üçün Bakı Ağır Cinayətlər Məhkəməsinə göndərilib.