Altı yeni hava limanının tikintisinə start verilib

Hökumət VEB.RF-ə Rusiyada altı yeni hava limanının tikintisinə dəstək verməyi tapşırıb.

1xeber.media xəbər verir ki, bu barədə yanvarın 3-də Rusiyanın baş naziri Mixail Mişustin dövlət korporasiyasının sədri İqor Şuvalovla görüşündə bildirib.
Söhbət Krasnodar, Salekhard, Qorno-Altaysk, Maqnitoqorsk, Omsk və Arxızdakı hava limanlarından gedir. Şuvalov bu şəhərlərin çox yüksək sənaye və turizm potensialına diqqət çəkib.

VEB.RF rəhbəri bildirib ki, ümumilikdə, dövlət korporasiyasının dəstəyi ilə Rusiya üzrə 12 hava limanı yenidən qurulub və ya tikilib, o cümlədən Şeremetyevo.
“Layihə Maliyyə Fabriki çərçivəsində 9 hava limanı tikilir. İndi biz daha altı yeni hava limanının tikintisi üçün müraciətlər vermişik... Bu hava limanlarına qoyulan ümumi investisiya 376 milyard rubl təşkil edir”, - Şuvalov bildirib.

VEB.RF-nin iştirakının 148 milyard rubl təşkil edəcəyi də bildirilir.

Şuvalov layihənin təşəbbüskarlarına baş nazirin dəstəyini çatdıracağına söz verib və qeyd edib ki, dövlət korporasiyası hava limanının layihə sənədləri üzərində işi davam etdirəcək.