ABŞ Prezidenti Donald Tramp və Çin Xalq Respublikasının Sədri Si Cinpin arasında Çinin Şençjen şəhərində keçirilən görüş başa çatıb.
1xeber.media xəbər verir ki, bu barədə noyabrın 19-da Çin Mərkəzi Televiziyası (CCTV) məlumat yayıb.
Telekanalın məlumatına görə, Si Cinpin günün ikinci yarısında ABŞ Prezidenti Donald Trampla görüşərək Asiya-Sakit Okean İqtisadi Əməkdaşlıq Təşkilatının (APEC) liderlərinin qeyri-rəsmi toplantısında iştirak edib.
Görüşün əvvəlində Donald Tramp onu Çində səmimi qarşılayan tərəfə təşəkkür edib və danışıqların məhsuldar keçəcəyinə ümidvar olduğunu bildirib.
ABŞ liderinin Çin Sədri ilə müzakirə etmək istədiyi əsas məsələlər arasında amerikalı fermerlərə dəstək tədbirləri və Hörmüz boğazı vasitəsilə neft tədarükünün fasiləsiz təmin olunması olub.
Qeyd edək ki, görüş ABŞ və Çin arasında iqtisadi və siyasi münasibətlərin müzakirəsi, eləcə də beynəlxalq təhlükəsizlik məsələləri baxımından diqqət çəkib.