ABŞ Suriyanın şimalında yeni hərbi baza tikməyə başlayıb

ABŞ Suriyanın şimalında, Türkiyə sərhədi yaxınlığında yerləşən və kürd Suriya Demokratik Qüvvələrinin (SDQ) nəzarətində olan Kobani şəhərində yeni hərbi bazanın tikintisinə başlayıb.

1xeber.media xəbər verir ki, bu barədə yanvarın 2-də War Zone portalı yazır.

Bölgəyə sement blokları, müşahidə kameraları, yanacaq çənləri və xəndək hazırlayan avadanlıqlar daşıyan 50 yük maşını karvanının gəldiyi bildirilir.

Həmçinin əlavə qüvvələrin göndəriləcəyi gözlənilir: hərbi personal, zirehli texnika, silahlar, radarlar və hava hücumundan müdafiə sistemləri. Portal yazır ki, artıq işlərə başlanılıb və obyekt özü Beynəlxalq Koalisiyanın qoşunları üçün bazaya çevriləcək.