Вернуться назад Распечатать

Braziliyada iş həftəsi 5 günə endirilir – İşçilərə iki günlük istirahət veriləcək

1xeber.media xəbər verir ki, Braziliya Prezidenti Luis İnasio Lula da Silva ölkədə altıgünlük iş qrafikinin ləğvini və beşgünlük iş həftəsinə keçidi nəzərdə tutan qərarı imzalayıb.

Bu barədə noyabrın 19-da ölkə hökumətinin rəsmi saytında məlumat verilib.

Yeni qaydalara əsasən, işçilər əməkhaqları azaldılmadan həftədə iki ödənişli istirahət günü əldə edəcəklər. Beləliklə, ölkədə “6+1” iş rejimi “5+2” qrafiki ilə əvəz olunacaq.

İslahat iki mərhələdə həyata keçiriləcək. 16 dekabr 2026-cı ildən həftəlik iş saatı 44-dən 42-yə endiriləcək. 2027-ci ilin dekabrından isə bu göstərici 40 saat təşkil edəcək.

Qərar Braziliyada əmək münasibətlərinin və iş qrafikinin yenilənməsini nəzərdə tutur.