Zelenski NATO-nun baş katibi ilə görüşüb

Ukrayna prezidenti Vladimir Zelenski Rammstein formatı çərçivəsində NATO-nun baş katibi Mark Rutte ilə görüşüb.

1xeber.media xəbər verir ki, bu barədə “Obşçestvennoye” nəşri məlumat yayıb.

Görüşdən yayımlanan kadrlarda Ruttenin Ukrayna prezident aparatının rəhbəri Andriy Yermakın da olduğu Ukrayna nümayəndə heyətinin nümayəndələrini salamladığı və Ukrayna liderini qucaqladığı görünür. Rutte və Zelenski masa arxasına oturaraq danışıqlara başlayırlar.

Bundan əvvəl Zelenski bildirib ki, Rammstein çərçivəsində o, müdafiə nazirləri və hərbi komandirlər səviyyəsində tərəfdaşlarla danışıqlar aparmağı planlaşdırır. Ukrayna lideri həmçinin Kiyev üçün əsas məsələ kimi hava hücumundan müdafiə sisteminin davamlı olaraq gücləndirilməsini qeyd edib.