Jude Law Vladimir Putini canlandıracaq

Rejissor Olivye Assayas tərəfindən çəkiləcək “Kreml sehrbazı” filmində Rusiya prezidenti Vladimir Putini britaniyalı aktyor Cud Lou canlandıracaq.

1xeber.media xəbər verir ki, bu barədə aktyor Deadline-a müsahibəsində danışıb.

Lounun sözlərinə görə, o, hələ rol üzərində işləməyə başlamayıb. Kreml sehrbazı, italyan yazıçısı Giuliano da Empolinin 2022-ci ildə nəşr olunan eyniadlı kitabının film adaptasiyasıdır, burada baş qəhrəman Putinin qondarma keçmiş məsləhətçisidir.

Lou əvvəllər Hollivudun Şöhrət Xiyabanında ulduz almışdı. Mərasimdə onun yaxın qohumları - uşaqları Raff və İris, həmçinin həyat yoldaşı Filippa Koan iştirak ediblər. Lou çıxışı zamanı ailə üzvlərinə təşəkkür edib.