Avropa Trampın onu Ukrayna danışıqlarından kənarlaşdıracağından qorxur

Avropa İttifaqı (Aİ) ABŞ prezidenti Donald Trampın Aİ ölkələrinin nümayəndələrini Ukrayna üzrə sülh danışıqlarından kənarlaşdıracağından ehtiyat edir.

1xeber.media xəbər verir ki, bu barədə yanvarın 27-də İspaniyanın “El Pais” qəzeti məlumat yayıb.

Nəşr xatırladıb ki, səlahiyyət müddəti 2024-cü il mayın 20-də başa çatan Ukrayna prezidenti Vladimir Zelenski Avropaya danışıqlar masası arxasında yerin təmin olunmadığını deyib.

Bundan əlavə, Tramp administrasiyası Kiyev üçün o qədər də sərfəli olmayacaq saziş hazırlayır və Avropaya Ukraynanın bərpası üçün yalnız maliyyə donoru kimi baxır, Avropadan adını açıqlamayan yüksək rütbəli mənbə qəzetə bildirib. Bu o deməkdir ki, Aİ-nin Vaşinqtonla münasibətlərə təsir rıçaqları azdır.