Paytaxtda iynədən şoka düşən qadın həkim səhvinə görə ölüb? - İDDİA
Bakıda qadının iynədən şoka düşərək ölməsinin təfərrüatı məlum olub.
Xezerxeber.az-ın məlumatına görə, hadisə Sabunçu rayonu Kürdəxanı qəsəbəsində yeni yaşayış massivində baş verib.
Mərhumun qardaşı Kazım Əzizin bildirib ki, bacısı ayaqda aşağı ətrafların trombozu xəstəliyindən əziyyət çəkirmiş.
Bir müddət öncə Zülfiyyə Nəcəfova Sabunuçudakı "Medicare Hospital"a müraciət edib.
Kazım Əziz vurğulayıb ki, onlar saatlarla Təcili Tibbi Yardımın yolunu gözləyiblər.
Hadisə ilə bağlı Tibbi Ərazi Bölmələrini İdarəetmə Birliyindən (TƏBİB) bildirilib ki, həmin vaxt ərazidə azad briqada olmadığı üçün Binəqədi ərazisindən yükləmə olaraq çağırış ünvanına saat 19:23-də əlavə briqada göndərilib.
"Medicare Hospital"ın hüquqşünası Azər Məhərrəmovun sözlərinə görə, mərhum Zülfiyyə Nəcəfova oktyabrın 11- onlara müraciət edib. Həkim Şərqiyyə İbrahimovanın qəbulunda olub, ultrasəs müayinəsindən keçib, ona müalicə üçün resept təyin olunub və evinə yollanıb.
Fakt Sabunçu Rayon Prokurorluğu tərəfindən araşdırılır.
