Metroda qadının çantasını oğurlayan şəxs saxlanıldı

Metronun “28 May” stansiyasında sərnişinin çantasından oğurluq olub. 
1xeber.media xəbər verir ki,metropolitendə Polis İdarəsinə müraciət edən qadın çantasından içərisində 950 manatı, sənəd və bank kartı olan pulqabısının oğurlandığını bildirib. 

Polis əməkdaşlarının keçirdikləri tədbirlərlə oğurluq əməlində şübhəli bilinən, əvvəllər dəfələrlə məhkum olunmuş 42 yaşlı A.Fərzəliyev müəyyən olunaraq saxlanılıb.

Araşdırma aparılır.