20 yaşlı Ayliz Duman Türkiyə gözəli oldu
Həyəcanlı anlara şahidlik edən "Miss Universe Türkiye 2024" gözəllik yarışmasının qalibi bəlli olub.
1xeber.az Türkiyə mətbuatına istinadən xəbər verir ki, bu ünvana Ayliz Duman laiq görülüb.
20 yaşlı alman əsilli gənc model səhnədə təkcə gözəlliyi ilə deyil, həm də zərifliyi və özünə inamı ilə hər kəsi valeh edib. İndi bütün gözlər Duman Türkiyəni beynəlxalq arenada təmsil edəcəyi "Miss Universe 2024”ün final mərhələsindədir.
1.75 boyunda olan Duman təkcə fiziki xüsusiyyətləri ilə deyil, həm də ingilis və alman dillərində danışıq qabiliyyəti ilə münsiflər heyətinin heyranlığını qazanıb.
Universitet imtahanına hazırlaşan Duman bir anda Türkiyənin ən nüfuzlu gözəllik yarışmasının qalibi olub.
Müsabiqənin digər finalçıları da böyük marağa səbəb olub. Yarışmada İlayda Anık 2-ci, Sude Alkan 3-cü, Ezgi Yalçın 4-cü və Menekşe Aras 5-ci yerə çıxıb və münsiflər heyətindən tam qiymət alıb. Onların hər biri Türkiyənin ən gözəl qadınları sırasında olmağı bacarıb.
