04.01.2025-ci il tarixində səhər saat 05 radələrində Bakı şəhəri, Xətai rayonu, Nobel prospektində ağır yol-nəqliyyat hadisəsi baş verib.
1xeber.media xəbər verir ki,hadisə ilə bağlı AzTimes.az-a müraciət edən Emin Şükürov bildirib ki, GLS markalı, 9*** dövlət nömrə nişanlı avtomobili idarə edən Paşayeva Nərmin Knyaz qızı işıqforun qırmızı işığında yüksək sürətlə hərəkət edərək Ford Fusion markalı avtomobillə toqquşub.İddialara görə, qəza nəticəsində Ford Fusion-un sürücüsünün qabırğaları sınıb və vəziyyəti ağır olaraq qiymətləndirilib.
Qəzanı törətdiyi bildirilən qadın sürücü isə hadisə yerindən 1 saylı Təcili Tibbi Yardım Xəstəxanasına aparılıb.Emin Şükürovun sözlərinə görə, hadisədən bir aydan çox vaxt keçməsinə baxmayaraq ona dəyən maddi və mənəvi ziyan ödənilməyib. O iddia edir ki, qəza baş verən zaman Orxan Turabov ona yaxınlaşaraq ziyanın ödənilməsini təmin edəcəyini bildirib. Şükürov məsələ ilə bağlı video müraciət də yayımlayaraq Orxan Turabovun adını hallandırıb.Məsələ ilə bağlıOrxan Turabovla əlaqə saxlanılıb
. O, açıqlamasında bildirib ki, hadisə zamanı Nərmin Paşayeva ilə Nobel prospektində işıqforda təsadüfən rastlaşıb, salamlaşıb və qəza baş verərkən tanış kimi əraziyə yaxınlaşıb. Onun sözlərinə görə, insanlıq xətrinə Emin Şükürova kömək təklif edib. Daha sonra isə Nərmin xanım və vəkili məsələnin öz aralarında həll ediləcəyini bildirərək ondan prosesdən kənarda qalmağı xahiş ediblər. Turabov hazırda məsələyə heç bir aidiyyatının olmadığını deyib.
Paşayeva Nərmin Knyaz qızı isə bildirib ki, Orxan Turabov onun qardaşının dostudur və yalnız kömək məqsədilə onunla birlikdə xəstəxanaya gedib. Onun sözlərinə görə, bacısı və digər qohumları Emin Şükürovla dəfələrlə əlaqə saxlanılıb və ona ilkin olaraq 1000 AZN məbləğində maddi yardım göstərilib. Nərmin Paşayeva iddia edir ki, zərərin rəsmi qaydada ödənilməsi üçün sığorta proseduru vacibdir və Emin Şükürov sığorta nümayəndəsinə müraciət etməkdən yayınır. Bu səbəbdən də proses uzanır.
Hadisə ilə bağlı araşdırmaların hansı mərhələdə olduğu və qəzanın hüquqi qiymətinin necə verildiyi barədə hələlik rəsmi açıqlama yayılmayıb. Yol-nəqliyyat hadisələrinin araşdırılması Azərbaycan Respublikasının Daxili İşlər Nazirliyinin Baş Dövlət Yol Polisi İdarəsinin səlahiyyətlərinə daxildir.
Ətraflı sujetdə:
