1xeber.media xəbər verir ki, Rusiyanın “Jeland” avtomobil markası yeni krossoverinin salonunun bir hissəsini nümayiş etdirib.
Yeni model Jeland C4 adlanır. İstehsalçı avtomobilin salonunun yalnız bir hissəsini təqdim edib. Ön paneldə rəqəmsal cihazlar, şaquli multimedia ekranı və mərkəzi konsolda qırmızı qapaqla örtülmüş mühərriki işə salma düyməsi diqqət çəkir.
Şirkət salonun dizaynını futuristik üslubda hazırlayıb. İstehsalçı rəqəmsal interfeysləri və işıqlandırma elementlərini avtomobilin əsas xüsusiyyətləri kimi təqdim edir.
Yeni krossoverin mühərrik göstəriciləri, komplektasiyaları və qiyməti hələ açıqlanmayıb. Modelin satışa çıxarılma tarixi barədə də ətraflı məlumat verilməyib.
