"Qanuni Sarışın", "Dörd Milad" və digər filmləri ilə tanınan ABŞ aktrisası Res Vizerspun boşanmasından sonra yeni münasibətini təsdiqləyib.
1xeber.media bu barədə "People" dərgisinə istinadən xəbər verir.
Keçən yaydan etibarən aktrisanın 57 yaşlı alman maliyyəçisi Oliver Haarman ilə münasibətdə olduğu barədə şayiələr dolaşırdı. Lakin Res şəxsi həyatı ilə bağlı rəsmi şərh verməmişdi. "People" nəşrinin yazdığına görə, keçən günlər onu kişi ilə öpüşərkən gördüblər. Cütlük Sen-Tropezdə birlikdə istirahət edir. Beləliklə, Vizerspun artıq subay olmadığını təsdiqləyib.
Mənbələr qeyd edir ki, Oliver artıq aktrisanın əvvəlki evliliklərindən olan oğulları – 21 yaşlı Dikon Filip və 12 yaşlı Tennessi Ceyms Tot ilə tanış olub.
Res "Oskar", "Qızıl Qlobus", BAFTA və Amerika Kino Aktyorları Gildiyasının mükafatlarının qalibidir. "Qanuni Sarışın", "Vəhşi" filmləri və "Səhər Verilişi" serialı ilə tanınır.
Şəxsi həyatına gəldikdə, o iki dəfə boşanıb. İlk əri aktyor Rayan Filipp olub, ondan qızı və oğlu dünyaya gəlib. İkinci həyat yoldaşı agent Cim Tot olub. Cütlüyün bir oğlu dünyaya gəlib, lakin 12 illik evlilikdən sonra ayrılıblar
