“Baku Pearl Residence” Məhdud Məsuliyyətli Cəmiyyətinin külli mqidarda vergi borcu var.
1xeber.media musavat.com-a istinadla xəbər verir ki, Bakı şəhərində hündürmətəbəli yaşayış binalarının tikintisi ilə məşğul olan MMC-nin vergiyə 800 min manatdan çox borcu yaranıb.
Nizamanamə kapitalı 10 manat olan MMC-nin qanuni təmsilçisi Abdullayev Samir İdris oğludur.
Qeyd edək ki, şirkət daha əvvəl İnzibati Xətalar Məcəlləsinin 192.1-ci (Əmək Məcəlləsində nəzərdə tutulmuş qaydada əmək müqaviləsi (kontraktı) hüquqi qüvvəyə minmədən işəgötürən tərəfindən fiziki şəxsləri hər hansı işlərin (xidmətlərin) yerinə yetirilməsinə cəlb edilməsinə görə) maddəsi ilə ittiham edilərək 20 min manat cərimə edilmişdi.
Şirkətin problemləri bununla bitmir. MMC Vergi Məcəlləsinə uyğun olaraq vergi hesabatını vaxtında təqdim etməməyə görə də maliyyə sanksiyası ilə üzləşib.
