Göygöldə hamilə qadın və onun bətnindəki uşaq doğuş zamanı xəstəxanada ölüb.
1xeber.media məlumatına görə, rayonun Murovdağ qəsəbə sakini 1990-cı il təvəllüdlü Cəbrayılova Nuranə Əlibaba qızı 9 aylıq hamiləliklə Göygöl rayon mərkəzi xəstəxanasına aparılıb. Lakin, qadın və onun bətnindəki qız uşağı bir neçə dəqiqədən sonra xəstəxanada ölüb.
Yaxınlarının verdiyi məlumata görə, N.Cəbrayılova rayon mərkəzi xəstəxanasına hamiləlik dövründə daimi müayinələrdən keçib, onun heç bir problemi olmayıb.
Faktla bağlı araşdrıma aparılır. Qeyd edək ki, dünyasını dəyişən N.Cəbrayılova Kəlbəcər rayon sakinidir.
